sorğu
Belediyye.infonun suallarını Oğuz bələdiyyəsinin sədri Arif Cavadov cavablandırır:
- Sakinlər tərəfindən bələdiyyə vergilərinin vaxtında - problemsiz ödənişi üçün rəhbərlik etdiyiniz bələdiyyə tərəfindən hansı addımlar atılır?
- Vergi barədə bildirişlər vaxtında çatdırılır, yerli mətbu orqanı vasitəsi ilə məlumat xarakterli yazılar dərc edilir, bələdiyyə üzvləri və icra aparatı işçiləri tərəfindən tədiyyəçilərlə fərdi söhbətlər aparılır, yığılmış vəsaitin hara xərclənməsi və xərclənəcəyi barədə açıqlamalar verilir və s.
- 2017-ci ildə bələdiyyənizdən hansı istiqamətdə irəliləyişlər gözləyirsiniz?
- 2017-ci ildə bələdiyyəmiz şəhərin abadlaşdırılması, yaşıllaşdırılması istiqamətində işlər görməyi planlaşdırır. əgər vəsait toplanarsa maddi baxımdan vəziyyəti gərgin olan bir qrup şəhər sakininin yaşayış vəziyyətini yüngülləşdirmək üçün səy göstərəcəyik. Birinci növbədə bələdiyyə özünə inzibati bina tikmək fikrindədir.
- Bələdiyyə büdcəsinə onlayn və ya stasionar ödəniş terminallarından daxil olan ödənişin səviyyəsi hansı vəziyyətdədir?
- Bələdiyyə büdcəsinə daxil olmalar hələlik ancaq bank və poçt vasitəsilə həyata keçirilir.
- Bələdiyyənin maliyyə vəziyyətinin yaxşılşadırılması üçün fikrinizcə hansı addımların atılmasına ehtiyac var?
- əvvələr avtomaşın və kənd təsərrüfatı texnikalarına texniki baxış zamanı ödəmələr bələdiyyə büdcəsinə keçirilirdi. Bu proses sonradan ləğv edildi. Bərpa olunsa yaxşı olar. Bir də torpaqların 11 aylıq icarəyə verilməsinə icazə verilsə yaxşı olar. əvvəllər bu qanun işləyirdi. Ancaq 2008-ci ildən ləğv olunub.
- Bu gün bələdiyyə qanunvericiliyində ilk növbədə hansı dəyişikliyin edilməsini təklif edərdiniz?
- əmlak və torpaq alqı-satqısı zaman Notariat kontorları torpaq satanlardan bələdiyyəyə vergi borcu olub- olmaması barədə arayış tələb etmələri yaxşı nəticə verərdi və s. Bələdiyyənin qanunvericilik bazası güclüdür. Bununla yanaşı bələdiyyələrə dövlət aktları verilməlidir.
Belediyye.info
